Умард Солонгосын нийслэлд тогтоосон хорио цээрийн дэглэмийг цуцлав

Д.Бизьяа

Анд нөхдийн мэдээ

2023-01-30

БНАСАУ-д өвлийн улирлын амьсгалын замын өвчлөл нэмэгдэж байгаатай холбогдуулан Пёнян хотод 5 хоногийн хорио цээрийн дэглэм тогтоогоод байснаа цуцалж байгаа тухай мэдэгдлийг тус улсад суугаа гадаадын дипломат төлөөлөгчийн газруудад өнөөдөр хүргүүллээ. Тус улсын Гадаад яамны мэдэгдэлд “25-ны өдрийн 00:00 цагаас тогтоосон эрчимжүүлсэн хорио цээрийн хугацаа 30-ны өдрийн 00:00 цагт дууссаныг бид бүх дипломат төлөөлөгчийн газар болон олон улсын байгууллагын төлөөлөгчдөд мэдэгдэж байна” хэмээн онцолжээ. Уг мэдэгдэлд COVID 19-ийн талаар дурдаагүй бөгөөд зөвхөн “амьсгалын замын өвчин" гэж илэрхийлсэн байна.